د مصر په قرآن ریډیو کې د تبلیغاتو د خپریدا د لغوه کیدا هرکلی وشو
ایکنانیوز د maspero.eg له قوله راپور راکړ، په مصر کې ټولنیزو کارپيژاندو او فعالانو د مصر په قران ریډیو کې د تجارتی تبلیغاتو او اشتهاراتو د بندیدا په باب ددغه هیواد دریډیو او ټيلییوژنی د ادارې د چارواکو د اعلامیې هرکلی کړی دی.
دغه ریډیو ئي چینل په مصر او اسلامی نړۍ کې څه دپاسه ۶۰ میلیون آوریدونکي لري او په عربی نړۍ کې په دیني رسندویو کې د تخصصي ریډیو لومړنۍ بوسټر شمیرل کیږي.
د حکومتي رسندوئي مدیریّت د شورا فیصله د یو شمیر غونډو او بخش نامو وروسته شوې ده چې په هغو کې ترټولو څرګنده په ټيلیویژني ،ريډیو ئي چینلونو او سایټونو کې د فال ګیرانو او نجوم ګرو د شون ممنوعیّت دی.
دغه مرجع په خپل فیس بوک رسمي پاڼې کې په یوې اعلامیې کې وئيلي دي، چې دغه فیصله د قرآن کریم د ریډیو د مخاطبانو له خوا او دغه راز د مذهبی رسمي اورګانونو د رهبرانو له خوا د ډيرو شکایتونو له وړاندې کیدا وروسته غوره شوې او وئيلي ئې دي،چې دغه فیصله د جنورۍ له لومړۍ نیټې اعمال شوې ده .
په دغې اعلامیې کې راغلي دي، د احمد المسلماني په مشرۍ د حکومتي رسندویو د مدیریّت شورا د قرآن کریم له ریډیو څخه نورو ریډیو ئي چینلونو ته د سوداګریزو اشتهارونو دمنتقلولو په باب د تبلیغاتو د کمیټې فیصله تصویب کړې ده. همداراز د مصر د خزانې وزارت وئيلي دي ، چې ددغه چینل د عایداتو د کمښت د هرډول احتمال د مخنیوي لپاره به ورڅخه مالی ملاتړ وشي.
د قرآن کریم د ریډیو مشر اسماعیل دویدار ،د قرآن له ریډیو څخه د تبلیغاتو ددایمی لغوه کیدا په باب دملی رسانئ د ادارې فیصله یوه تاریخي او شجاع فیصله بللې او ټينګار ئې کړی دی چې د مصر له داخل او بهره ددغو تبلیغاتو په باب شکایتونه ترسلاسه شوي دي.
